Muran Ka Taagan Dawlada Shiinaha Iyo Mareykanka
Saturday - July 28, 2012
Muranka Shiinaha Iyo Maraykanka U Dhexeeya Ee Jasiirada Ku Yaalla Badda South China Sea Oo Cirka Isku Shareeray Iyo Iska Horimaad Milatari Oo Laga Cabsi Qabo + Dalal Hor Leh Khilaafka Ku Biiray.
Hainan(Ramaas) July, 28, 2012- Dawlada dalka Shiinaha ayaa xoojisay xiisada ka aloosan Jasiiradaha ku yaalla badda South China Sea, iyada oo laga cabsi qabo iska horimaadyo hor leh oo dhexmara labada dal ee Maraykanka ee Shiinaha oo ku muransan lahaanshaha Jasaairkaas .
Maraykanka ayaan la ogayn jawaabta uu ka bixi doono arrintaas, iyada oo xukuumada Beijing maamulka Madaxweyne Obama ku eedaysay in ay hortaagan yihiin awooda soo shaacbaxaysa ee Shiinaha, isla markaana ay uu mijaxaabinayo heshiis diblumaasiyadeed oo laba saanno ka hor ay gaadheen laba dawladood .
Maraykanka ayaa sannadkii 2010-kii soo jeediyya heshiis nabadeed laga gaadho Jasiiradaha badda Pacific-Asia oo ay sida kale khilaafka taagan ay qayb ka yihiin 5 wadan oo ku yaalla Koonfur Bari Asia,kuwaasoo ay ugu horeeyaan dalalka The Philippines iyo Vietnam oo sheeganaya dhulkaas.
Laakiin xiisada ayaa cirka isku shareertay toddobaadkan markii Calanka dalka Shiinaha laga taagay xarunta dawlada hoose ee degmada Sansha oo ka tirsan Jasiirada Yongxing oo illaa 220 Ml dhanka Koonfureed uga jirta Jasiirada Hainan oo Shiinuhu leeyahay ,iyada oo deegaankaa baddeedkaasi uu qani ku yahay khayraad kala duwan.
Shiinaha ayaan awoodayn in uu milatari tiro badan geeyo dhulkan oo aadka u yar, oo ku nool yihiin dad lagu qiyaaso 1,000 qof oo kaliya, laakiin Beijing waxa ay sheegaysaa in dawlada hoose ay maamuli doono dhul baaxadiisu dhan tahay kumanaan KM oo laba jibaaran.
Magaalada Washington sharcidejiyaasha Maraykanka ayaa ka hadlay dhawaan danaha siyaasada Qaarada Asia,, waxaana uu John Mcain oo ka tirsan oo aqalka duqaydu soo jeediyay in talaabo la qaado, xilli war-warka laga qabo Shiinuhu uu sii xoogaysanayo.
Madaxweyne Barack Obama ayaa isna dhankiisa u muuqan in dabacsanaan u muujin doonin xukuumada Beijing , maadaama uu dagaal ugu jiro in dib loo soo doorto mar kale, halka ninka ay tartamayaan ee xisbiga Jamhuuriga Mitt Romney uu Madaxweynaha talada haya ku eedeeyay in uu nugul yahay dhanka Beijing, isaga oo wacad ku maray inuu goaan adag ka qaadan doono xidhiidhka dalkaas.
Maxamed Boosh.
Source: AP
