Waxaa arintaas ay ka careysiisay kooxo siyaasiyiin ah oo u ka mid yahay ex Xildhibaan Maxamed Yusuf Axmed oo hore uga tirsanaa baarlamaanka Puntland oo sheegay in dawlada hadda jirta xilligeedu uu yahay afar sano, haddii la yiraahdo waa shan sanana ay tahay khiyaano aan la qaadan karin.
Dhinaca kale waxaa iyadana hadal iyo buuq ka taaganyahay inta badan shacabka degaanada Puntland oo dadka ugu baaqaya iney ka fiirsadaan muranka iyo khiyaamooyinka u maleegaayo Faroole ee u rabo in shacabka ku marin-habaabiyo.
Waxaa kalo jira dareen dhiilo xambaarsan oo ka soo yeeraya dhinacyo badan oo ka mid ah mucaaradka Faroole oo bilaabay olole siyaasadeed oo ay isugu diyaarinayaan doorashooyinka golayaasha dawlada oo ay leeyihiin waa in la qabtaa bisha Janaayo, 2013.
Waxaa ay intaas ku dareen in wixii ka dambeeya bisha December, 2012 golayaasha dawlada xilligoodu dhici doono, sharci ahaanna aanay ahayn dawlad rasmi ah, loona baahan yahay doorashooyin madax bannaan.
Arrintani waxaa ay horseed u noqon kartaa khilaaf dastuuri ah, haddii aan xal laga gaarin ka hor dhammaadka sannadkan, waxaan ka dhalan kara khilaaf siyaasadeed oo la mid ah kii 2000-kii ee Cabdillaahi Yuusuf iyo Jaamac C. Jaamac.