Qab-weyne Trump Kibirka U Baaqay Iyo Dunida Keligey Baa Leh .. Dalalka Yurub Iyo Mexico Hogasho Ciil Awgeed Oo Ka Falceliyey Canshuur U Trump Ugu Hanjabay
Sunday - July 13, 2025
Midowga Yurub iyo Mexico ayaa muujiyay niyad-jab kadib markii Madaxweynaha Mareykanka, Donald Trump uu ku hanjabay inuu 30% cashuur ah uu ku soo rogi doono badeecooyinka laga keeno dalalkaasi laga bilaabo 1-da Agoosto ee soo aaddan.
Mexico ayaa cambaareysay waxa ay ku sheegtay "heshiis aan cadaalad ahayn" oo uu Trump wado, waxayna ku adkeysatay in madax-banaanideeda aysan wax laga gorgortami karo ahayn .. Dhanka kale, Madaxweynaha guddiga Midowga Yurub Ursula von der Leyen, ayaa sheegtay in EU-da ay qaadi doonto "tallaabooyin is barbar dhig ah" haddii loo baahdo. Labada dhinacba waxay muujiyeen inay weli doonayaan inay wadahadallo la sii wadaan Mareykanka.
Trump wuxuu sidoo kale ka digay inuu sare u qaadi doono cashuuraha badeecooyinka haddii midkood ka mid ah labada dhinac ay isku dayaan inay ka aargoostaan.
Todobaadkan sidoo kale Trump wuxuu ku dhawaaqay cashuur cusub oo lagu soo rogay badeecooyinka laga keeno Japan, Koonfur Kuuriya, Canada iyo Brazil laga bilaabo bisha soo socota.
